Досега, 102 патници и 13 членови на екипажот пријавиле симптоми на инфекцијата. Заразените најчесто се жалеле на стомачни проблеми, вклучувајќи дијареја и повраќање.
Појавата се случила за време на крстарење кое трае од 28 април до 11 мај. Бродот моментално плови низ северозападниот Атлантски Океан до Пуерто Плата во Доминиканската Република и треба да пристигне во Порт Канаверал, Флорида, на 11 мај. На бродот има вкупно 3.116 патници и 1.131 член на екипажот.
Поради ширењето на вирусот, екипажот ги зголемил мерките за хигиена и дезинфекција, ги изолирал болните патници и членовите на екипажот и собрал примероци за лабораториско тестирање, соопшти CDC.
„Принц Крузис“ соопшти дека мал број патници пријавиле благи гастроинтестинални симптоми за време на патувањето. Тие исто така рекоа дека веднаш се спроведени дополнителни мерки за чистење и дезинфекција низ целиот крузер и дека по пристигнувањето во Порт Канаверал, бродот ќе биде темелно исчистен и дезинфициран пред неговото следно пловење.
Норовирусот е многу заразен вирус кој предизвикува стомачни тегоби и е честа причина за епидемии на крузери. Според ЦДЦ, ова е четврта епидемија на гастроинтестинални инфекции на крузери оваа година.
МВ Хондиус е исто така во средината на епидемија на хантавирус, при што тројца патници починаа.
© Vecer.mk, правата за текстот се на редакцијата
