Проблемите беа предизвикани од дефект во германскиот систем за размена на податоци за контрола на летање, што предизвика прекини во воздушниот сообраќај на еден од најпрометните аеродроми во Европа.
(1/3) Due to a technical problem, with a system of german traffic control flight delays and cancellations are expected at Frankfurt Airport. pic.twitter.com/GOcMG8aFHr
— Frankfurt Airport (@Airport_FRA) October 4, 2024
Како што пренесуваат локалните медиуми, ситуацијата сега е под контрола, но прекинот предизвикал верижна реакција, што резултирало со многу незадоволни патници. Поради овие настани во Франкфурт имало големи гужви и долги редици патници, додека бројни летови беа одложени или конечно откажани.
Ситуацијата дополнително се усложнува до крајот на Октоберфест, поради што аеродромите во Германија, особено Минхен, се соочуваат со зголемен прилив на патници. Извршниот директор на Луфтханза, Карстен Спор, дури изјави дека аеродромот во Минхен во моментов е еден од најлошите во Европа, поради долгите доцнења и недостатокот на персонал.
Се очекува состојбата да се стабилизира во наредните денови, но на патниците им се препорачува да ги следат најновите информации и да бидат подготвени за потенцијални доцнења.
© Vecer.mk, правата за текстот се на редакцијата
