Тоа се Роми Гонен, Емили Дамари и Дорон Штајнбрехер. Еве што се знае за нив:
• Дорон Штајнбрехер (31), ветеринарна медицинска сестра, била во нејзиниот стан во Кибуц Кфар Аза кога Хамас го нападнал. Во 10:30 часот на 7 октомври, таа им испратила гласовна порака на своите пријатели: „Тие се тука, ме фатија“.
• Емили Дамари (28), која има двојно британско-израелско државјанство, беше земена како заложник од Кибуц Кфар Аз. Зборувајќи на комеморацијата во Лондон на 6 октомври 2024 година, нејзината мајка Менди рече дека заложниците ослободени минатиот ноември ѝ кажале дека имале контакт со Емили за време на нејзиното заробеништво.
• Роми Гонен (24) паднала во заседа додека се обидувала да побегне од фестивалот Супернова. Нејзината мајка, Мерав Лешем Гонен, се обрати пред Советот за човекови права на ОН во јуни, апелирајќи за меѓународна помош за ослободување на заложниците.
Кабинетот на израелскиот премиер соопшти дека ослободувањето на трите заложнички кои ги држеше Хамас во Газа ќе биде извршено денеска по 15 часот, по наше време.
Во соопштението се наведува и дека за седум дена ќе бидат ослободени уште четворица живи заложници.
Оваа информација за ослободување на заложниците доаѓа откако конечно почна долгоочекуваниот прекин на огнот во Газа, по задоцнување од речиси три часа.
Прекинот на огнот беше одложен бидејќи Хамас не ги наведе имињата на тројцата заложници што планира да ги ослободи подоцна денеска.
Првата фаза од прекинот на огнот, која трае 42 дена, се очекува да резултира со враќање на вкупно 33 заложници од Газа и ослободување на стотици палестински затвореници и затворенички.
Израелските сили треба да се повлечат во тампон зона во Газа, а многу раселени Палестинци треба да можат да се вратат во своите домови.
© Vecer.mk, правата за текстот се на редакцијата
