Тој ја започна прес-конференцијата велејќи дека секое утро откако се будел како премиер, е инспириран од издржливоста и дарежливоста на Канаѓаните. Тој вели дека откако станал премиер во 2015 година, се борел за Канада и нејзиниот народ, за зајакнување и раст на средната класа. Тој истакнува дека гледал како земјата се обединува кога се поддржувале меѓусебно за време на пандемијата и како работел за да ја заштити слободната трговија на континентот.
Трудо вели дека одлуката да поднесе оставка ја донел по долги разговори со семејството - истакнува дека неговиот успех бил резултат на нивната поддршка. Синоќа на вечера на своите деца им рекол дека ќе поднесе оставка.
Тој додава дека „оваа земја го заслужува вистинскиот избор“ на следните избори. Тој, исто така, рече дека станало јасно дека ако мора да води „внатрешни битки“, тој не може да биде најдобриот избор за гласачите во Канада.
Тој тврди дека парламентот бил „парализиран со месеци“ – што тој го нарекува најдолгата седница на малцинскиот парламент во канадската историја.
Трудо понатаму наведува дека тоа е причината поради која на земјата и е потребна нова собраниска седница и дека таа ќе биде одложена за 24 март.
Justin Trudeau announces his intention to resign as prime minister pic.twitter.com/VMv2qEMF2Y
— Aaron Rupar (@atrupar) January 6, 2025
Извор: Индекс.хр
© Vecer.mk, правата за текстот се на редакцијата
