На крајот на 2023 година, првите примероци на бисерната школка (Pinctade radiate), припитомени во Црвеното Море, се забележани во Заливот на поетите, популарна туристичка дестинација на стотина километри од Џенова, на северозапад од Италија.
Помалку од една година подоцна тие се шират во некогаш најстудените делови на Медитеранот, претходно поврзани со други видови школки за храна, а не за производство на бисери.
Индустријата за бисери заработува 11 милијарди долари годишно, а италијанските одгледувачи на школки сега сакаат парче од колачот. Увозникот на бисери, Адријано Гениси, верува дека, доколку сѐ оди според планот, производството би можело да започне веднаш по една година.
„Овде ја проверуваме можноста за производство на култура на бисер“, рече Паоло Варела, шеф на задругата за школки што работи таму од 2011 година.
Организацијата веќе стапи во контакт со производителите на бисери во Мексико за да ги советува за производство на бисери, рече Варела.
„Pinctada radiati се забележани околу Сицилија од 1970-тите, но само во изминатата деценија тие се преселија на север, кон постуденото Тиренско и Лигурско море“, објаснува професорот по екологија Салваторе Џакобе од Универзитетот во Месина.
Тој е последен во низата инвазивни видови кои пристигнаа во Медитеранот, кој поради климатските промени станува сѐ потопол.
Мануела Фалаутано од италијанскиот институт за заштита на животната средина ISPRA рече дека трендот бележи „експоненцијален раст“ во последните десет години.
Некои од овие нови видови се агресивни и ги загрозуваат локалните екосистеми, а во неколку случаи се и опасни за луѓето.
Околу 2,5 милиони квадратни километри од Медитеранот се загреваат побрзо од остатокот од морето, предупредува Фалаутано.
© Vecer.mk, правата за текстот се на редакцијата
