Поради ризикот од ширење на пандемијата со Ковид-19 за време на велигденските празници низ цела Италија од денеска започна тридневен карантин.

Ова значи дека секое движење надвор од куќата е забрането, освен од оправдани причини и со задолжителна лична изјава, а олеснувањето на мерките се очекува на 6 април, пишуваат тамошните медиуми.

Затворени се сите трговски објекти, освен храна, аптеки, новински весници и слично.

Жителите на Рим до денес беа во портокаловата зона, што значи дека мерките беа малку порелаксирани и дека продавниците, и не само оние со храна, беа отворени.

На граѓаните на Рим им беше забрането да се движат надвор од општината на живеење, освен од оправдани причини, и во рамките на истата општина, беше дозволена само една домашна посета во текот на денот, и само за две лица кои не припаѓаат на тоа домаќинство, птренесуваат медиумите.

Кина, театри, музеи се затворени и културни настани не се одржуваат.

Во Италија, имунизацијата се спроведува со вакцини произведени од „Фајзер“, „Астра зенека“ и „Модерна“, а во текот на април се очекува да бидат достапни и „Џонсон и Џонсон“, а граѓаните немаат можност да изберат вакцина.

Италија воведува задолжителен петдневен карантин за сите оние кои доаѓаат или се враќаат од земјите на ЕУ, а патниците исто така ќе треба да се тестираат за коронавирусот пред да ја напуштат земјата, како и по завршувањето на петдневниот карантин.

 

makfax.com.mk