Таа изјава следеше кратко по најновото соопштение на Доналд Трамп на социјалните медиуми, пишува Скај њуз. „Ситуацијата сè уште се смета за војна, а базата на податоци за целите и опремата на нашите сили е ажурирана“, рече портпаролот.
Поделба на контролата во Ормутскиот теснец
Осврнувајќи се на ситуацијата во Ормутскиот теснец, портпаролот откри и како контролата е поделена помеѓу редовната армија и Револуционерната гарда. Тој објасни дека западниот дел од теснецот го управува Револуционерната гарда, додека источниот дел е под надзор на редовната армија на Исламската Република.
Трамп: Иран нè информираше дека е во состојба на колапс
Во меѓувреме, американскиот претседател Доналд Трамп тврдеше на својата социјална мрежа Truth Social дека Иран го информирал дека земјата е во „состојба на колапс“.
„Иран штотуку нè информираше дека е во „состојба на колапс“. „Тие сакаат што е можно поскоро да го „отвориме Ормутскиот теснец“ додека се обидуваат да ја решат ситуацијата со нивното раководство“, напиша Трамп, додавајќи дека верува оти раководството на Иран ќе може да ја стабилизира ситуацијата.
Неговата објава доаѓа во време кога Техеран сè уште тврди дека земјата е во воена состојба, додека тензиите околу контролата и сообраќајот низ Ормутскиот теснец продолжуваат.
© Vecer.mk, правата за текстот се на редакцијата
