Иран нема да разгледува привремено суспендирање на збогатувањето ураниум за да обезбеди нуклеарен договор со САД, изјави портпарол на Министерството за надворешни работи, додавајќи дека сè уште не е одреден датум за шестата рунда разговори со Вашингтон.
Вашингтон и Техеран се обидуваат да го решат деценискиот спор околу нуклеарните амбиции на Иран. „Иран никогаш нема да го прифати ова“, изјави портпаролот Есмаил Багеи, во врска со суспендирањето на збогатувањето ураниум за три години со цел да се постигне договор.
„Иран ќе преживее дури и ако нема преговори со САД и ако бидат воведени дополнителни санкции“, изјави денеска претседателот Масуд Пезешкијан, според државните медиуми.
„Не е дека ќе умреме од глад ако одбијат да преговараат со нас или да воведат санкции. Ќе најдеме начин да преживееме“, рече иранскиот претседател.
Претседателот Доналд Трамп вчера изјави дека американските преговарачи имале „многу добри“ разговори со иранската делегација во текот на викендот. „Доколку има добра волја од американска страна, и ние сме оптимисти, но ако разговорите имаат за цел ограничување на правата на Иран, тогаш разговорите нема да водат никаде“, додаде Багеи.
© Vecer.mk, правата за текстот се на редакцијата
