Неидентификуван маж се обидел да запали синагога во германскиот град Улм, соопшти градската полиција.

Во соопштението се наведува дека полицијата барала да разговара со сведоците, бидејќи осомничениот побегнал пред нивното доаѓање.

Полицијата истакнува дека мажот бил забележан како истура течност на ѕидот на синагогата и пали оган. Очевидци веднаш повикале пожарникари, кои го изгаснале пожарот за неколку минути.

Луѓето кои се нашле на местото на настанот го опишале осомничениот како човек висок околу еден метар и осумдесет сантиметри, кој носел црна качулка и бела заштитна маска, објавија агенциите.

Не е забележана значителна штета на зградата на синагогата, велат градските власти.

Според полициските извештаи, минатата година во Германија биле регистрирани 2.428 антисемитистички злосторства.

makfax.com.mk