Американскиот експерт за заразни болести и главен епидемиолог Ентони Фаучи ја пофали руската вакцина против вирусот Ковод 19, Спутник В, нагласувајќи дека податоците за оваа вакцина се добри.

Во интервју за грчката телевизија Скај, на прашањето дали би примил руска или кинеска вакцина, Фаучи одговори дека нема доволно информации за Кина, и дека во Кина има три вакцини.

– Податоците за Спутник В се прилично добри. Немам доволно информации за кинеската вакцина, тие имаат две или три вакцини, така што не сум следел одблизу колку се ефикасни, но податоците за руската вакцина не изгледаат лошо – изјави Фаучи, советник на американскиот претседател Џо Бајден.

Тој додаде дека не е загрижен за разговорите за несакани ефекти при користење на западни вакцини, бидејќи тестовите на вакцините Фајзер и Модерна покажаа дека нивото на нивната ефикасност е околу 95% и дека реакциите се минимални.