Германски град го намалува греењето во канцелариите. Греалките се на минимум, а на вработените им делат јакни.

Градот Филинген-Швенинген, во југозападниот дел на Германија, зимава воведува мерки за заштеда на енергија, јавува агенцијата „Анадолија“. Температурите во канцелариите се намалуваат до 19 степени Целзиусови.

За на работниците да не им биде студено, градот нарача околу 1.600 сиви јакни со грбот на градот по цена од 28,50 евра од јакна.

Банката „Крајшпаркасе“ во соседниот град Лудвигсбург, исто така, на вработените им обезбеди зимска облека. Обезбедена е униформирана јакна и црни зимски ракавици, бидејќи и овде температурата во работните простории е спуштена на 19 степени Целзиусови.