Според официјални лица, загинале 57 лица.
Реката Барак се излеа поради приливот на вода од североисточниот дел на Индија и поплави најмалку 100 села во Бангладеш.
„Околу два милиони луѓе досега се опкружени со вода поради поплавите“, изјави за „AFP“ Мошараф Хосеин, главен администратор на регионот Силхет.
Многу делови од Бангладеш се подложни на поплави, а експертите велат дека ситуацијата е влошена поради климатските промени и дека екстремните катастрофи станале почести насекаде во светот.
Секој дополнителен степен на глобално затоплување ја зголемува количината на вода во атмосферата за околу седум проценти, а неизбежна последица е пообилен дожд.
Извор:Б92