Главниот украински преговарач во Мајами се среќава со Кушнер и Виткоф

Главниот украински преговарач Рустем Умеров денеска ќе се сретне во Мајами со специјалниот претставник на САД, Стив Виткоф, и зетот на Трамп, Џаред Кушнер, за да се обидат да ги оживеат напорите за завршување на војната во Украина, кои беа заобиколени поради конфликтот во Иран.

Веста за состаноците ја потврди и украинскиот претседател Володимир Зеленски. „Секретарот на Советот за национална безбедност и одбрана на Украина денес ќе одржи серија состаноци со претставниците на претседателот на Соединетите Американски Држави. Ги идентификувавме клучните задачи“, објави Зеленски на X.

Report by Rustem Umerov. The Secretary of the National Security and Defense Council of Ukraine will hold a series of meetings today with envoys of the President of the United States. We have defined the key tasks.

First, the humanitarian track. We hope it will be possible to…

— Volodymyr Zelenskyy / Володимир Зеленський (@ZelenskyyUa) May 7, 2026

Два извори запознаени со ситуацијата потврдија дека средбата била со Виткоф и Кушнер, кои се клучни преговарачи во напорите за завршување на војната во Иран. Последната средба меѓу претставниците на САД и Украина се одржа кон крајот на март, исто така во Мајами.

Виткоф и Кушнер се сретнаа и со Кирил Дмитриев, раководител на рускиот државен инвестициски фонд и висок претставник на Кремљ, во Мајами претходно во март. Според Зеленски, Умеров има намера да се фокусира на „оживување на дипломатскиот процес“ на денешната средба.