logo
logo
logo

Германскиот канцелар Олаф Шолц во проштална посета на Полска

Vecer | 16.04.2025

Германскиот канцелар Олаф Шолц во проштална посета на Полска

Се очекува Шолц и Туск да разговараат за германско-полските односи, како и за европските и меѓународните прашања.

Најавата за посетата на Шолц на Полска, дадена минатата недела, беше неочекувана. Откако новиот состав на Долниот дом на германскиот Парламент за првпат се состана на крајот на минатиот месец, Шолц ја извршува функцијата канцелар. Во оваа завршна фаза од мандатот на канцеларот, невообичаено е да се прават посети во странство.

Полска во моментов е во екот на кампањата за претседателските избори. Првиот круг од изборите е закажан за 18 мај.

Олаф Шолц се очекува да му ја предаде канцеларската функција на конзервативниот лидер Фридрих Мерц на 6 мај.

Мерц претходно изјави дека планира да ги посети Полска и Франција на првиот ден како канцелар.

Фридрих Мерц ќе стане канцелар откако конзервативците што тој ги предводеше го освоија првото место на парламентарните избори одржани на 23 февруари. 

© Vecer.mk, правата за текстот се на редакцијата

TailoredCV
logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk