Во Германија е најавен забрзан процес на вакцинација, откако општите лекари ќе почнат да вакцинираат во април.
„Зацртаната цел за имунизација на 25% од населението секој месец не е реална“, изјави германскиот министер за здравство Јенс Шпан.
„Бројот на вакцинирани нема веднаш да се зголеми на 20 милиони или 10 милиони неделно“, рече тој.
Германците се незадоволни од динамиката на вакцинирање, бидејќи само 6,4 проценти од населението од околу 83 милиони луѓе ја примиле првата доза на вакцината, пишуваат германските медиуми.
Шефот на германското здружение на лекари процени дека околу пет милиони луѓе неделно можат да бидат имунизирани.
Тој апелираше до владата да одобри што побрзо вклучување на општите лекари во вакцинацијата.
makfax.com.mk
