Франција во текот на овој месец ќе биде домаќин на меѓународна конференција чија цел е да овозможи собирање хуманитарна помош за Либан и да придонесе за зајакнување на безбедноста во јужниот дел на земјата, изјави денеска францускиот претседател Емануел Макрон.
-Во следните неколку недели ќе одржиме конференција насочена кон олеснување на хуманитарната помош, поддршка на меѓународната заедница и давање поддршка на либанските вооружени сили за зајакнување на безбедноста таму, особено во јужен Либан, рече Макрон по состанокот на претставниците на франкофонијата – земји во кои се говори францускиот јазик- што се одржа во Париз.
Во последните две недели Израел започна со интензивни бомбардирања на Либан и во оваа земја испрати војници, по речиси една година конфликт со милитантната група Хезболах.
Борбите претходно беа главно ограничени на израелско-либанската погранична област и се одвиваа паралелно со едногодишната војна на Израел во Газа против палестинската група Хамас./МИА
© Vecer.mk, правата за текстот се на редакцијата
