Базиликата ќе остане отворена до полноќ во деновите на поклонението, на кое се претпоставува дека ќе дојдат десетици илјади луѓе.
Погребот на папата Франциск ќе се одржи в сабота во 10 часот по локално време, а се очекува да присуствуваат голем број светски лидери.
Досега само кардиналите, членовите на Курија и слугите на Ватикан имаа можност да се простат од починатиот понтиф во капелата на резиденцијата „Света Марта“, каде што живееше папата.
Осумдесет и осумгодишниот Франциск, чие родено име е Хорхе Марио Берголио, почина на 21 април.
За разлика од повеќето понтифици, посмртните останки на Франциск нема да бидат положени во криптата на базиликата „Свети Петар“ - најважната црква во римокатолицизмот, бидејќи тој самиот посакал да биде погребан во базиликата „Санта Марија Маџоре“.
© Vecer.mk, правата за текстот се на редакцијата
