Индонезиските спасувачи евакуирале на безбедно десет лица затрупани под урнатините по ерупцијата на вулканот Семеру на остовот Јава, изјави за Reuters во неделата портпаролот на националната агенција за помош при природни катастрофи.

Во текот на зголемената активност на вулканот забележана во саботата, едно лице загина, а повеќе од 40 луѓе се здобиле со изгореници од кои дел се хоспитализирани. Покрај тоа, неколку куќи од кои локалните жители не успеале да побегнат навреме, беа затрупани со песок, кал и вулканска пепел.

Самеру е највисокиот планинаски врв на островот Јава и е меѓу речиси 130-те активни вулкани во Индонезија. Претходната ерупција на вулканот Семеру беше забележана во јануари годинав, но тогаш немаше настрадани ниту позначителни материјални штети.