Ситуацијата во Сирија се очекува да биде главното прашање за кое ќе разговараат.
Разговорите ќе се фокусираат на напорите за зачувување на националното единство на Сирија и заштита на малцинствата по падот на поранешниот претседател Башар Асад, напиша фон дер Лајен на својот профил на социјалните мрежи X.
Таа, исто така, планира да разговара со Ердоган за испорака на хуманитарна помош во Сирија.
Минатата недела, ЕУ ги објави плановите за испраќање на речиси 100 тони хуманитарна помош (вклучувајќи здравствени материјали и основни производи) во Турција, кои ќе бидат транспортирани во Сирија од страна на агенциите за помош на ОН.
© Vecer.mk, правата за текстот се на редакцијата
