Фармацевтската компанија „Фајзер“ денес објави дека започнала со тестирање на третата вакцина како дел од стратегијата за заштита од мутирани видови на коронавирус.

Здравствените власти велат дека првата генерација вакцини против Ковид-19 сè уште штитат од варијантите што се појавија во различни делови на светот.

Сепак, производителите почнуваат да се подготвуваат во случај да се појават соеви на вирус кои се поотпорни на вакцини, според „Ројтерс“.

„Фајзер соопшти дека 144 волонтери ќе учествуваат во третото испитување на дозата за да утврдат дали дополнителна доза дадена шест до 12 месеци по првите две ќе го зајакне имунитетот доволно за да се одбрани од мутираниот вирус.

makfax.com.mk