Амбасадорите на Обединетото Кралство, Франција и Германија побараа состанок со заменикот-министер за надворешни работи на Русија, соопшти шефот на руската дипломатија, Сергеј Лавров. Според неговите зборови, руската страна го прифатила предлогот за разговори.
„Ќе ги сослушаме. Искрено, дури ни е и интересно да чуеме како овие луѓе ќе изложат нешто што би можело да доведе до некакви конструктивни идеи, откако нивните лидери, Мерц, Стармер и Макрон, во повеќе наврати изнесуваа навредливи изјави на сметка на Русија и преминуваа на лични напади“, рече Лавров.
Како што истакна тој, Русија ќе ги игнорира повиците за дијалог со Европа сè додека не биде уверена дека станува збор за сериозни предлози, а не за обиди за поддршка на Киев.
„Додека не чуеме и не се увериме дека тоа што го слушаме е навистина сериозен предлог, а не уште еден обид да се заштити, зачува и дури и зајакне киевскиот режим, веројатно ќе слушаме, но таквите идеи засега едноставно би ги пропуштал низ уши кога станува збор за нивната практична перспектива“, изјави Лавров.
Според неговите зборови, Москва внимателно ќе ги проценува сите иницијативи што доаѓаат од Европа пред да ги смета за основа за сериозен политички дијалог.
© Vecer.mk, правата за текстот се на редакцијата
