Опозицијата во Ерменија го отфрли предлогот да се одржат предвремени парламентарни избори без претходно дадена оставка на премиерот Никол Пашинијан, пренесува агенцијата „Интерфакс“.

Пашинијан во понеделникот рече дека е подготвен да распише предвремени парламентарни избори, доколку опозицијата се согласи на одредени услови, наведува „Ројтерс“.

Ерменскиот премиер се соочува со протести и политичка криза откако армијата побара негова оставка, што Пашинијан го нарече обид за државен удар.

Претседателот на Ерменија, Армен Саркисјан, неодамна одби да го смени началникот на Генералштабот на ерменската армија, Оник Гаспаријан, кој претходно беше ослободен од должноста од премиерот Пашинијан.

makfax.com.mk