Осомничениот за соучесништво во терористичкиот напад на 2 ноември во Виена, во кој загинаа четири лица, а повеќе од 20 беа повредени, изврши самоубиство.
Според весникот „Кронен цајтунг“, човекот, за кого се верува дека знаел за плановите за терористичкиот напад извршен од Албанец од Северна Македонија, Кујтим Фејзулаи, се самоубил.
Се посочува дека нема индиции за насилно злосторство, но дека конечните одговори ќе ги даде обдукцијата.
Човекот кој изврши самоубиство е еден од седумтемина осомничени за соучесништво во терористичкиот напад.
Тој беше привремено лишен од слобода, но подоцна беше ослободен. Тој наводно бил близок со терористите и можно е, како што истакнуваат медиумите, да помогнал во подготовките за нападот.
makfax.com.mk
