Рускиот министер за енергетика, Сергеј Цивиљев, изјави денеска дека Русија планира да испрати втор брод со гориво за Куба.
Цивиљев, на маргините на форумот „Енергопром-26“, наведе дека првиот брод веќе пристигнал на Куба со 100.000 тони хуманитарна помош и дека вториот брод наскоро ќе биде натоварен, со цел да им се помогне на Кубанците и покрај блокадата и ограничувањата во снабдувањето, пренесе „Интерфакс“.
Рускиот министер истакна дека Куба не би смеела да остане без помош, нагласувајќи дека Москва е подготвена да ги обезбеди потребните испораки на гориво.
© Vecer.mk, правата за текстот се на редакцијата
