Летот на „Рајанер“ бил подготвен за полетување на аеродромот во Бриндизи во Италија кога пламенот избувнал од моторот. Пожарникарите брзо реагирале, авионот престанал да полетува, а 184 патници биле евакуирани со помош на надуен тобоган.
BREAKING: Ryanair Boeing 737's engine catches fire at Brindisi Airport, Italy, passengers evacuated through emergency exits pic.twitter.com/zREgh9LXED
— AlexandruC4 (@AlexandruC4) October 3, 2024
„'Aeroporti di Puglia' соопштува дека поради проблем со авионот кој бил подготвен за полетување, било неопходно да се затвори аеродромот Саленто во Бриндизи. Проблемот, кој се случил кога авионот веќе бил усогласен за полетување, барал евакуација на патници преку итни тобогани“, соопшти портпаролот на аеродромот.
Aeroporto di Brindisi, improvvisa fiammata dal motore destro di un aereo durante la fase di rullaggio: evacuati con lo scivolo gonfiabile 183 passeggeri di un volo Ryanair diretto a Torino. Nessun ferito. L'episodio, avvenuto attorno alle ore 8:30, ha provocato la sospensione di… pic.twitter.com/lUEu1xDuBg
— Ultimora.net (@ultimoranet) October 3, 2024
„Сите операции беа извршени со максимална безбедност за патниците и екипажот. Патниците се веќе на аеродромот, каде им се пружа помош од персоналот на „Аеропорти ди Пуља“. Техничарите на компанијата работат на потребните интервенции за подготовка на аеродромот за проверка на исправноста на пистата и продолжување на операциите“, се заклучува во соопштението.
Екипажот забележал чад кој излегува од моторот додека авионот се подготвувал за полетување, по што била спроведена итна процедура. Нема извештаи за позначајни повредени.
Портпаролот на Ryanair рече: „Летот FR8826 од Бриндизи до Торино беше одложен утрово откако кабинскиот екипаж забележа чад од надвор од авионот. Патниците беа безбедно евакуирани и вратени на терминалот со автобус. Искрено им се извинуваме на патниците погодени од ова доцнење, замена на авионот ќе го изврши летот FR8826 од Бриндизи до Торино подоцна утрово.“
Рајанер и Бритиш ервејс се меѓу неколкуте авиокомпании кои го користат аеродромот, кој обично опслужува повеќе од три милиони патници секоја година.
Оваа драма се случи откако во вторникот беа дупнати „сите четири“ гуми на авионот на Рајанер при слетување на аеродромот Орио ал Серио во Бергамо, во близина на Милано. Драматичните слики покажуваат патнички авион без гуми и метални тркала како ја гребат пистата.
Слетувањата и полетувањата беа прекинати на аеродромот поради инцидентот. Сведоците кои биле на вториот лет изјавиле дека нивниот пилот им рекол дека инцидентот се должи на „лошо слетување“, иако ниту од авиокомпанијата ниту од аеродромот не го потврдиле тоа.
© Vecer.mk, правата за текстот се на редакцијата
