Тројца млади момчиња влегле во водата вчера околу 17:45 часот во Нојбург на Дунав и од засега непознати причини биле во животна опасност. Еден од нив бил спасен, додека другите двајца исчезнале.
Момчето (23) кого спасувачите го извлекле од водата, очајно се држел за грмушка и викал помош, пренесува Билд.
Како што изјавил во полиција, сакал да заплива во Дунав со своите пријатели. Засега не е познато што се случило потоа, но неговите пријатели не успеале да стигнат до брегот. Оттогаш нема трага од нив.
Голем контингент пожарникари, служби за спасување на вода, организации за техничка помош и спасувачки служби со часови трагаа по исчезнатите. Нуркачи ја пребаруваа матната вода, а чамци и хеликоптер помогнаа во спасувачките напори.
Расположението на лице место било депресивно. Превентивно бил поставен параван, а полицијата ги избрка присутните кои се собраа на брегот на реката.
Потрагата беше прекината синоќа во 20.30 часот поради темнина и треба да продолжи денеска.
© Vecer.mk, правата за текстот се на редакцијата
