Амбасадорката на Филипините во Бразил е отпуштена откако било откриено дека со месеци ја тепала една од своите домашни помошнички во резиденцијата во Бразилија, а нејзиние напади се снимени и објавени во медиумите.
Амбасадорката Маричу Мауро е отповикана и вратена во Манила кон крајот на минатата година, откако на телевизијата GloboNews биле објавени снимките кои го откриваат нејзиното однесување кон жената, исто така, Филипинка. Освен тоа добила и отказ од Министерството за надворешни работи, рекол вчера претседателот Родриго Дутерте.
[embed]https://youtu.be/Z3GC3l_3I6g[/embed]
Мауро ќе го загуби правото на пензија и веќе нема да може да извршува јавна функција.
Снимкие се направени меѓу март и октомври 2020 година, а употребени се како поткрепа на тужбата против поранешната дипломатка, која за амбасадорка била именувана во 2018.