Данска започна со ископување на четири милиони тела на визони кои се во фаза на распаѓање, стравувајќи дека може да ја загадат водата за пиење или блиското езеро каде што се капат луѓето.
Во ноември, Данска ги уништи сите визони од страв дека животните можат да го пренесат мутираниот коронавирус на луѓето, откако беше пронајден нов вид кај крзнените животни на една од фармите, пренесува АП.
Се стравуваше дека мутираниот вид може да влијае на ефикасноста на идните вакцини, па повеќе од 17 милиони се истребени, што беше голем удар за данската индустрија за крзно, која е најголема во Европа.
Владата најави дека ќе ги уништи визоните, иако немаше право да уништува здрави животни, што, според АП, е срамен и погрешен чекор што доведе до создавање на политички консензус за нов закон.
Ископувањето на 13 тони мртви визи на две места во западна Данска, сместени во близина на езерото за капење и извор на вода за пиење, ќе чини 24,4 милиони долари.
Жителите во областа се жалеа на потенцијален ризик од контаминација, а пред да бидат закопани животните, властите тврдеа дека не постои ризик од загадување на подземните води или заштитената област.
„На жителите не им се дадени вистинските информации и водата е загрозена од загадување. Сега ја елиминираме причината за загадувањето. Тоа беше невообичаена состојба со голема несигурност за граѓаните. Ние сега го коригираме тоа “, рече министерот за земјоделство, Расмус Прен.
makfax.com.mk
