logo
logo
logo

Чистач на улици ја користел сличноста со Киану Ривс за да намами жртви- дрогирал и силувал жени

Vecer | 17.10.2024

Чистач на улици ја користел сличноста со Киану Ривс за да намами жртви- дрогирал и силувал жени

Убалдо Мануали (59) е осуден на девет години и десет месеци затвор за сексуално насилство и споделување експлицитни слики.

Во текот на истрагата е откриено дека Мануали, кој благодарение на својот изглед, успеал да убеди три жени, кои ги запознал на социјалните мрежи, да се сретнат со него во живо, пред да ги изврши злосторствата.

За време на мачното судење, жените откриле дека сите го запознале чистачот преку една од неговите шест различни профили на социјалните мрежи, каде што тој се фалел со својата сличност со холивудскиот актер Киану Ривс. Ги завел и ја здобил нивната доверба.

Без нивно знаење, тој им ставил апчиња за спиење во пијалоците. Откако биле онесвестени, жртвите биле силувани и малтретирањето било снимено пред Мануали да ја сподели снимката со своите пријатели.

Инспекторите ги заплениле сите мобилни телефони и лаптопи на Мануали. Откриено е дека ги чувал не само сите пораки со жените, туку и слики и снимки.

Обвинителот Микеле Адрања побарал остра казна:

„Овој вид насилство е посериозен од физичкото насилство, тој е посуптилен бидејќи ја користи психофизичката слабост на жената. Како да е двојно насилство. А Мануали е заслепен од сексуалниот исход и неговото задоволство“.

Полицијата ја започнала истрагата откако последната жртва на манијакот, Стефани Лиоци од Капраник (регион Лацио) поднела пријава. Откако ја поминала ноќта со Мануали, отишла во итната медицинска помош бидејќи се разбудила збунета и згрозена.

Фотографии и видеа од злоставувањето биле пронајдени на телефонот на чистачот на улици, додека таа изгледала полусвесна. Потоа биле најдени и видеа од другите жртви.

„Секогаш кога излегувавме заедно се фалеше дека има илјада жени. Беше опседнат со својата убавина, со тоа што се истакнуваше“, изјави Стефани Лиочи за локалните медиуми.

На жртвите ќе им биде исплатена вкупна отштета од речиси 25.000 евра. Судијата изјавил дека осуденото лице имало „нагласена криминална способност водена од манијакална перверзија да ги задоволи своите сексуални импулси, со зашеметување на жртвите за да избегне евентуални отфрлања“.

Кога била објавена пресудата, Убалдо Мануали делувал незаинтересирано, најавил жалба инсистирајќи - „Знам дека ништо не направив“.

© Vecer.mk, правата за текстот се на редакцијата

TailoredCV
logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk