Двајца пилоти денеска се тешко повредени откако нивниот авион се урна за време на тренажен лет на военото воздухопловство во близина на планината Монтањ де Лур во Франција, пренесуваат локалните медиуми.
Како што соопшти француското Министерство за вооружени сили, пилотите се во критична состојба и итно се префрлени во болница. Несреќата се случила во текот на претпладневните часови во ненаселено подрачје, додека авионот изведувал вежба на мала височина.
Надлежните служби веќе работат на утврдување на причините кои довеле до падот на леталото.
© Vecer.mk, правата за текстот се на редакцијата
