Трамп најави отворање на досиејата за НЛО- се сретна со астронаутите од мисијата „Артемис“ (ВИДЕО)

Американскиот претседател Доналд Трамп им посака добредојде на астронаутите од „Артемис II“, кои претходно овој месец полетаа на другата страна од Месечината, и најави дека американската влада наскоро ќе објави повеќе досиеја поврзани со вонземски живот, или неидентификувани летачки објекти (НЛО).

Одговарајќи на прашања од новинарите за време на состанокот со астронаутите од „Артемис II“, Трамп рече дека федералната влада ќе објави „што е можно повеќе“ досиеја за вонземјани „во блиска иднина“, објави NBC.

„Мислам дека некои од нив ќе бидат многу интересни за луѓето“, рече Трамп.

Тој додаде дека за време на неговиот прв мандат како претседател, разговарал со некои пилоти кои тврделе дека имале контакт со вонземјани.

„Интервјуирав некои пилоти, многу солидни луѓе, и тие рекоа дека виделе работи во кои не би верувале, па ќе прочитате за тоа“, рече Трамп.

🚨 JUST IN: President Trump CONFIRMS his administration will be declassifying and releasing UFO files IMMINENTLY

"They said they saw things you wouldn't believe! And you're gonna be reading about it."

"We're going to be releasing a lot of things from what we have, and I think… pic.twitter.com/Rzz5n4y7Rk

— Trust In Trump (@Trustintrump47) April 29, 2026

Мисијата „Артемис II“ беше успешно лансирана на 1 април од вселенскиот центар „Кенеди“ на НАСА во Флорида, и во текот на десет дена, четири астронаути патуваа околу Месечината и назад, успешно враќајќи се на Земјата на 10 април.