Три лица починаа, а повеќе од 20 припадници на итните служби беа ставени во карантин поради изложеност на непозната супстанција по пристигнувањето на повик во рурален дел на Ново Мексико, соопштија локалните власти.
Четири лица биле пронајдени во бесвесна состојба во куќа во Маунтинер, источно од Албакерки, соопшти државната полиција на Ново Мексико.
Три од нив починале, додека четвртото лице е згрижено во болница во Албакерки, соопшти полицијата. Нивните имиња не се објавени.
Властите соопштија дека припадниците на итната помош биле изложени на сомнителна супстанција и почнале да чувствуваат симптоми, вклучувајќи мачнина и вртоглавица.
Градоначалникот на Маунтинер, Питер Нието, изјави дека на самото место била видлива дрога, како и дека таа е можната причина за смртта.
Тој додаде дека здравствените проблеми што ги имале луѓето не се поврзани со можна изложеност на јаглерод моноксид или природен гас.
© Vecer.mk, правата за текстот се на редакцијата
