Шефот на агенцијата за надзор на нуклеарната енергија откри дека не верува оти Иран се обидува да развие нуклеарно оружје, објави Скај њуз.
- Дојдовме до заклучок дека не можеме да потврдиме дека во моментов во Иран има систематски напор за производство на нуклеарно оружје - рече Рафаел Гроси, генерален директор на Меѓународната агенција за атомска енергија (МААЕ).
Извештајот на МААЕ, често цитиран од Израел, откри дека Иран збогатува ураниум до 60 проценти и е единствената земја во светот што го прави тоа, па затоа има „елементи на загриженост“.
- Но, што се однесува до тврдењето дека тие произведуваат нуклеарно оружје, не, ние не го кажавме тоа - истакна Гроси.
Кога беше прашан дали агенцијата е загрижена за можен напад од страна на Израел врз нуклеарните постројки, лидерот одговара дека „секако дека се“.
Тој забележува дека секогаш постои можност за радиолошки инцидент кога е погоден нуклеарен постројка, како што е „испуштање на нуклеарен материјал во атмосферата“.
© Vecer.mk, правата за текстот се на редакцијата
