Од 1 јануари 2026 година, Бугарија ќе го користи еврото како своја официјална валута, со што конечно ќе и се приклучи на еврозоната.
Лидерите на Европската Унија собрани во Брисел еднаогласно ја поддржаа препораката Бугарија да стане 21-та членка на еврозоната, следејќи го позитивното мислење на Европската комисија.
Бугарија е дел од ЕУ од 2007 година и е првата земја по Хрватска која ја прифаќа заедничката европска валута, откако Хрватска го воведе еврото во 2023 година.
Иако е добиена политичка поддршка, постапката не е завршена – претстојат консултации со Европскиот парламент и Европската централна банка за финализирање на законските измени пред официјалното користење на еврото.
Сепак, овие чекори се сметаат за чиста формалност.
И покрај економскиот напредок, Бугарија останува најсиромашната земја во блокот според бруто домашниот производ по жител. За влез во еврозоната, земјата мора да демонстрира ниска и стабилна инфлација, стабилност на цените, здрави јавни финансии и стабилен девизен курс.
© Vecer.mk, правата за текстот се на редакцијата
