Стармер планира да ги фокусира своите разговори на безбедноста, миграција и трговија. Тој треба да разговара со претседателката на Европската комисија, Урсула фон дер Лајен, претседателот на Советот на ЕУ, Шарл Мишел и претседателката на Европскиот парламент, Роберта Мецола.
- Велика Британија несомнено е посилна кога работи со своите најблиски меѓународни партнери. Ова никогаш не било поважно од денес, бидејќи војната, конфликтот и несигурноста тропаат на вратата на Европа, рече Стармер во изјава објавена од неговиот кабинет пред посетата.
Стармер рече дека е „решен да ги остави годините на Брегзит зад нас и да воспостави попрагматични и позрели односи со Европската унија“.
- Подобрата соработка ќе донесе безбедност на нашите граници, наша безбедност и стимулирање на економскиот раст, додаде тој.
Откако ја презеде функцијата во јули, Стармер вети дека ќе ги намали некои од бариерите по Брегзит за луѓето и стоките што ги оштетија врските меѓу Британија и ЕУ. Сепак, Стармер сè уште инсистира на тоа дека нема да го поништи Брегзит, ниту пак да се приклучи на единствениот пазар и царинската унија на ЕУ.
© Vecer.mk, правата за текстот се на редакцијата
