Орли Александар беше виденa како ги охрабрува нејзините синови да се претстават со „пријателски лик“ додека судијата одреди кауција за нејзините синови Орен и Алон, и двајцата 37, од вкупно 5 милиони долари.
Близнаците, заедно со нивниот постар брат Тал (38), се обвинети за дрогирање и силување на десетици жени во период од над 11 години.
Сите тројца браќа се изјаснија дека не се виновни за злосторствата, за кои обвинителите велат дека претставуваат долгогодишна шема за трговија со луѓе.
За време на првото појавување на Орен и Алон пред судот во четвртокот, нивниот татко Шломи, исто така, се обидел да им даде на своите синови некои наредби.
Шломи се обидел да ги охрабри своите синови да воспостават контакт со очите, додека неговата сопруга рекла „насмевка“ додека се смешкала и им праќала бакнежи, пишува „Дејли мејл“.
На сослушувањето во Мајами, кауцијата на Орен е одредена на три милиони долари, а на Алон од два милиони долари. На Тал му е наредено да биде задржан без кауција пред федералниот суд.
Одлуката веројатно значи дека на близнаците ќе им биде одбиена и кауцијата кога ќе се појават пред федералниот суд во Мајами следната недела.
На судот му е кажано дека ако Тал, кој е Евреин, побегне со приватен авион во Израел, родната земја на неговите родители, ќе биде тешко да се екстрадира назад во САД.
Доколку биде осуден по сите обвиненија, му се заканува доживотен затвор.
Браќата Александар го привлекоа светското внимание откако беа обелоденети обвинувањата против нив.
Близнаците станаа ѕвезди во светот на луксузните недвижности откако ја основаа компанијата Official, специјализирана за луксузни недвижности во Мајами, Њујорк и Лос Анџелес.
Специјалниот агент на ФБИ Џастин Атвуд во петокот сведочеше дека речиси 40 жени, од кои повеќето непознати, поднеле слични тврдења дека браќата ги намамиле на луксузни места за одмор и домови во Флорида и Њујорк, ги дрогирале и потоа ги силувале.
Таа рече дека има разменети графички видеа и фотографии и СМС пораки меѓу браќата кои ги поддржуваат наводите.
Властите ги уапсиле браќата во средата под обвинение за сексуален криминал во Мајами и федерален случај за трговија со луѓе во Њујорк.
Федералното обвинение ги обвинува браќата дека го користеле своето богатство за намамување, дрога и сексуален напад и силување повеќе жени во текот на повеќе од една деценија.
Близнаците се обвинети и од државата Флорида за три одделни случаи на наводна сексуална злоупотреба.
Орен се соочува со три одделни обвиненија, додека Алон се соочува со само едно.
© Vecer.mk, правата за текстот се на редакцијата
