Ливит ја истакна поддршката на Трамп за Хегсет по извештаите дека американскиот секретар за одбрана споделил детали за нападот во март врз Хутите во Јемен преку група за пораки „Сигнал“ во која биле неговата сопруга, брат и адвокатот, објави Ројтерс.
Откривањето на втор случај на такво споделување на податоци на Сигнал покрена прашања за користењето на системот за некласифицирани пораки од страна на Хегсет за споделување високо чувствителни безбедносни детали и доаѓа во особено деликатно време за него, при што високи функционери на Пентагон беа отстранети од нивните позиции минатата недела како дел од внатрешната истрага за протекување информации.
Како што објави денеска Њујорк Тајмс, Хегсет споделил детали за нападот врз Хутите во Јемен во група за пораки на платформата Сигнал, во која биле вклучени неговата сопруга, брат и адвокат.
White House Says Donald Trump "Stands Strongly" Behind Pete Hegseth Amid New Signal Chat Report, Pentagon Tumult https://t.co/KqPMzZUiH9
— Deadline (@DEADLINE) April 21, 2025
Како што е наведено, Хегсет наводно ги споделил истите детали за нападот кои беа објавени минатиот месец во списанието Атлантик.
Според неименувани извори на кои се повикува Њујорк тајмс, групата разговарала за деталите за времето на воздушните напади врз Хутите во Јемен.
© Vecer.mk, правата за текстот се на редакцијата
