Сè започнало кога една мајка се пријавила во полиција околу 15 часот. дека непознат маж ја киднапирал нејзината ќерка од супермаркет во центарот на Атина. Според неа, еден маж ѝ пришол и рекол дека сака да купи нешто за детето, а потоа ѝ го зел бебето.
Случаен минувач го пронашол бебето во близина на контејнерот
Полицијата започнала потрага по детето, кое било пронајдено два часа подоцна. Девојчето било пронајдено како плаче во црна кеса покрај контејнер. Минувачот кој го пронашол веднаш ја известил полицијата и брзата помош.
Бебето веднаш било пренесено со возило на брза помош во болница, каде што било прегледано. Според првичните информации, нејзината здравствена состојба е стабилна.
Полицијата ги приведе мајката и бабата на детето на сослушување додека се истражуваат сите аспекти на овој необичен случај. Идентитетот и мотивите на лицето кое наводно го киднапирало детето се уште се непознати, а властите не исклучуваат ниедна можност.
© Vecer.mk, правата за текстот се на редакцијата
