Апсолутна романтика, издигнување над секојдневниот живот и приказ на талент. Носачи кои во рускиот главен град транспортираа клавир до возилото запреа и на инструментот ја отсвиреа „Катјуша“.

На видеото се гледа како тројца момчиња во флуоресцентни елеци го туркаат инструментот на асфалтот пред куќата, додека четвртиот решава да седне на клавијатурата и да почне да свири. Еден од музикалните работници му се придружува на перформансот и почнува да танцува.

Во еден момент капакот за малку ќе паднеше и ќе му ги скршеше прстите на „музичарот“, но неговиот снаодлив колега интервенираше и ја спаси целата работа.