Станува збор за авиони како што се AH-64 Apache, UH-60 Black Hawk и CH-47 Chinook.
Силно невреме ја погоди базата Форт Карсон на американската армија во Колорадо на почетокот на август оваа година. По тој повод оштетени се 44 хеликоптери од 4-та борбена воздухопловна бригада на 4-та пешадиска дивизија, а штетата се мери во десетици милиони долари.
Шест AH-64D, седум AH-64E, седум CH-47F, девет UH-60M, десет HH-60M и пет UH-60L претрпеле одредена штета, објави The War Zone.
Војската на САД сега бара 29,3 милиони долари за поправка на леталата кои наводно претставуваат значителен дел од флотата стационирана во Форт Карсон.
🇺🇸 US military helicopters were smashed and damaged at the Fort Carson military base in Colorado, USA during a severe storm
— Lord Bebo (@MyLordBebo) August 3, 2024
1/ pic.twitter.com/OB55m7IdNX
Детали за степенот на штетата на хеликоптерите се откриени во документ на Пентагон во кој се опишани различните активности за репрограмирање на буџетот одобрени во фискалната 2024 година, која заврши на 30 септември.
Не е познато дали бараната сума ја одразува вкупната проценета штета на сите 44 хеликоптери или дополнителни средства се дојдени од други извори. Се уште не е познато дали некој од хеликоптерите е веќе поправен и вратен во употреба, пишува The War Zone.
© Vecer.mk, правата за текстот се на редакцијата
