Нивото на мадридската река Манзанарес нагло порасна, поради што нејзиниот проток се зголемил за 15 пати, објави денеска Ел Паис.
Блокади има на пет регионални автопати, а Генералниот директорат за транспорт повика на ограничување на патувањето со автомобили во главниот град и регионот.
Министерството за труд препорача работење на далечина, а Универзитетот Комплутенсе, Автономниот универзитет во Мадрид, Универзитетот Крал Хуан Карлос и Политехничкиот универзитет во Мадрид ја прекинаа наставата.
Ситуацијата во главниот град наводно е загрижувачка поради континуираните дождови, топењето на снегот на планините Сиера и зголемувањето на количината на вода што се испушта во Мансанарес од браната Ел Пардо.
Советодавниот комитет за планирање поплави препорача граѓаните да избегнуваат непотребни патувања, особено во близина на реки.
© Vecer.mk, правата за текстот се на редакцијата
