Стотици жители на Тел Авив се собираат секоја вечер во новите подземни железнички станици, претворајќи ги во привремени засолништа за да се заштитат од ракетните напади кои доаѓаат од Иран. По зајдисонце, луѓето носат душеци, вреќи за спиење, храна, таблети натоварени со филмови, а често и своите миленици, со намера да поминат неколку часа во безбедност.
На една од станиците, која го поврзува Тел Авив со Рамат Ган, се собираат околу 200 луѓе. Некои од нив тука се познаваат за првпат, а заедно создаваат атмосфера на солидарност, делејќи ги ќошињата како соседи. Во последната недела, како резултат на ракетните напади, животите ги загубија 24 лица, а стотици беа повредени.
Од друга страна, според „Human Rights Activists“, израелските напади врз Иран резултирале со 639 загинати и повеќе од 1.300 повредени – меѓу нив 263 цивили и 154 припадници на безбедносните сили.
© Vecer.mk, правата за текстот се на редакцијата
