Командантот на иранската морнарица, контраадмиралот Шахрам Ирани, ги отфрли како „апсурдни и смешни“ најновите закани на американскиот претседател Доналд Трамп за воведување поморска блокада на Ормутскиот теснец, пишува „WSJ“.
Тој предупреди дека иранската војска внимателно го следи секој потег на американската флота во регионот. „Храбрите луѓе од морнарицата на Исламска Република Иран ги следат и надгледуваат сите движења на агресорската американска армија во регионот. Заканите на американскиот претседател по понижувачкиот пораз на неговата армија во третата наметната војна, поморската блокада на Иран, се апсолутно апсурдни и смешни“, рече Ирани.
Трамп во неделата објави дека ѝ наредил на американската морнарица да го блокира Ормутскиот теснец, стратешки воден пат низ кој минуваат околу 20 проценти од светската нафта.
© Vecer.mk, правата за текстот се на редакцијата
