Шефицата на пратеничката група на крајно десничарската партија Национален собир (НС) во францускиот парламент, Марин Ле Пен, потврди дека планира да се кандидира на претстојните претседателски избори, објавија денес француските медиуми.
„Секако дека планирам да се кандидирам на претседателските избори. Реков дека нема да се кандидирам ако судскиот систем ме спречи во тоа“, изјави Ле Пен во интервју за RTL, додавајќи дека ќе се кандидира за својата партија дури и ако добие условна казна, објави BFM TV.
Апелациониот суд во Париз треба да одлучи за жалбената постапка во случајот со асистентите на европратениците од НС на 7 јули.
© Vecer.mk, правата за текстот се на редакцијата
