Повикувајќи се на три извори од Белата куќа, „Волстрит џурнал“ објави дека американскиот претседател Доналд Трамп им рекол на високите советници дека ги одобрил плановите на САД за напад врз Иран.
Тој го одложи давањето на конечната наредба бидејќи пред тоа чека информации од Техеран за тоа дали Иран ќе се откаже од својата нуклеарна програма.
Извори за „ВСЈ“ изјавија дека американскиот претседател се надева дека „заканата од приклучување кон нападите на Израел врз Иран ќе го принуди Техеран да се согласи со неговите барања“.
Порано вечерва, Трамп изјави дека ќе донесе одлука за нападот „во последната секунда“, а пред тоа беше и двосмислен пред новинарите:
„Можеби ќе го направам тоа. Можеби нема“, рече тој.
© Vecer.mk, правата за текстот се на редакцијата
