Јаир Нетанјаху, син на израелскиот премиер Бенјамин Нетанјаху, ги нарече катарскиот емир Тамим бин Хамад ал-Тани и неговата мајка Моза бин Насер „современ Хитлер и Гебелс“.
„Катар е главната сила зад бранот антисемитизам што не е виден од 1930-тите и 1940-тите. Катар е модерна нацистичка Германија. Секој Евреин во светот е во голема опасност поради децениското оцрнување на Евреите и еврејската држава од страна на Катар, поттикнато од милијардите долари што ги инвестираат во неа“, напиша тој на X.
Овој потег доаѓа во услови на уште еден застој во разговорите за заложници посредувани од Катар. Во меѓувреме, американскиот државен секретар Марко Рубио ги отфрли критиките кон Катар минатата недела, тврдејќи дека Доха одиграла корисна улога во преговорите.
Критичарите посочуваат на блиските врски на Катар со Хамас и неговото финансирање на Газа, што индиректно ѝ овозможи на групата да даде приоритет на градењето на својот арсенал за напад врз Израел. Катар одговара дека Израел и САД лобирале кај Доха да изврши такви плаќања за да се спречи хуманитарна криза во Газа.
Неколку помошници на израелскиот премиер моментално се под истрага за работа што наводно ја извршувале во име на земјата од Персискиот Залив.
© Vecer.mk, правата за текстот се на редакцијата
