Русија повеќепати ја предупредува Турција за постојаните обиди на Киев да ги нападне инфраструктурните објекти на „Син тек“ и „Турски тек“, изјави портпаролот на рускиот претседател, Дмитриј Песков.
„Повеќепати им го свртевме вниманието на нашите турски колеги за многу опасните активности на киевскиот режим и постојаните обиди за напади врз објектите на енергетската инфраструктура поврзани со транспортот на гас преку 'Син тек' и 'Турски тек'“, им изјави Песков на новинарите.
Тој истакна дека Русија презема максимални мерки со цел да ја минимизира заканата од терористички напади од страна на Украина врз глобалниот енергетски систем. Портпаролот на рускиот претседател нагласи дека киевскиот режим непрестајно покажува склоност кон терористички напади врз објекти на критичната меѓународна енергетска инфраструктура. Тој ги нарече нападите врз танкерите во Каспиското Море манифестација на терористичката активност на киевскиот режим против меѓународната енергетска инфраструктура.
Одговорот на Русија на горенаведените акции на Киев ќе биде продолжување на Специјалната воена операција, заклучи Песков. Претходно, „Гаспром“ соопшти дека компресорската станица „Краснодарска“, која е дел од инфраструктурата на гасоводот „Син тек“ за извоз на гас во Турција, била мета на напад со беспилотни летала.
© Vecer.mk, правата за текстот се на редакцијата
