Одлуката на Иран да го затвори Ормускиот теснец поради агресија врз земјата е споредлива со нуклеарно оружје според влијанието врз глобалните процеси, оцени заменик-претседателот на Советот за безбедност на Русија, Дмитриј Медведев.
„Не е јасно со што ќе заврши примирјето меѓу Вашингтон и Техеран. Но, едно може со сигурност да се каже: Иран го тестираше своето нуклеарно оружје, тоа се вика Ормуски теснец и неговиот потенцијал е неисцрпен“, напиша Медведев на мрежата Икс.
Потсетуваме дека поради ескалацијата на конфликтот на Блискиот Исток, пловидбата низ Ормускиот теснец беше речиси целосно прекината. Подоцна, Техеран дозволи премин низ теснецот за пријателските земји, меѓу кои е и Русија. На маршрутата низ овој теснец отпаѓаат 20 проценти од вкупните светски испораки на нафта, па поради неговото затворање цените на енергентите беа во значителен пораст.
Американскиот претседател Доналд Трамп на 7 април објави дека прифатил двонеделен прекин на огнот со Иран, под услов Техеран целосно да го отвори теснецот за сообраќај.
© Vecer.mk, правата за текстот се на редакцијата
