Талибанската влада во Авганистан денес ги негираше извештаите за наводна забрана за интернет на национално ниво.
Талибанците изјавија дека прекините во комуникацијата се должат на истрошени оптички кабли, кои сега се заменуваат.
Ова е првата јавна изјава на Талибанците во врска со проблемот со интернетот, кој го наруши банкарскиот сектор, трговијата и воздушниот сообраќај, објави АП.
Порано овој месец, неколку провинции објавија прекини на интернетот во согласност со декретот на талибанскиот лидер Хибатула Ахунџада за борба против „неморалот“.
Главниот портпарол на Талибанците, Забихула Муџахид, во изјава споделена преку платформата „WhatsApp“ и на социјалната мрежа X, изјави дека сегашните прекини не се резултат на забраната, туку „влошување на оптичката инфраструктура“, која сега е во процес на замена.
Талибанците ја повикаа јавноста да „ги игнорира шпекулациите за целосно исклучување на интернетот“.
© Vecer.mk, правата за текстот се на редакцијата
