- Врвот во ноември беше особено изразен во Бугарија, Полска и Словенија, каде зголемувањето беше повеќе од 90 отсто.
- Евростат соопшти дека податоците „даваат општа слика за смртноста под влијание на пандемијата на ковид-19, бидејќи тие ги вклучуваат сите смртни случаи без оглед на причината“.
Во државите од Европската унија од март до ноември минатата година регистрирани се 450.000 повеќе починати отколку во истиот период помеѓу 2016 и 2019 година, покажуваат најновите податоци на Евростат.
Прекумерниот број на смртни случаи достигна врв во ноември, кога беше за 40 проценти повисок од просекот во претходните години. Тој врв во ноември следеше по многу понискиот регистриран во април, за време на првиот бран на пандемијата, кога смртните случаи беа околу 25 проценти повисоки од просечните.
Експертите користеа месечни податоци од земјите на ЕУ за да ја споредат смртноста во 2020 година со просекот во истиот период од 2016 до 2019 година.
Евростат соопшти дека податоците „даваат општа слика за смртноста под влијание на пандемијата на ковид-19, бидејќи тие ги вклучуваат сите смртни случаи без оглед на причината“.
По април, бројките паѓаат, за повторно да почнат да растат во август, заедно со бројот на случаи со коронавирус.
Врвот во ноември беше особено изразен во Бугарија, Полска и Словенија, каде зголемувањето беше повеќе од 90 отсто. Зголемувањето на смртните случаи во Белгија тој месец е речиси 60 проценти, а во Италија и Германија 50 проценти. Во истиот месец, Хрватска забележа 46,3 проценти поголема смртност, покажуваат податоците на Евростат.
